Дэлхийн Хэвлэлийн Эрх Чөлөөний Өдөр (World Press Freedom Day) нь жил бүрийн 5-р сарын 3-нд тэмдэглэгддэг бөгөөд энэ өдөр нь хэвлэлийн эрх чөлөөний ач холбогдлыг олон нийтэд таниулах, сэтгүүлчдийн аюулгүй байдлыг хангах, хараат бус мэдээллийн орчныг дэмжих зорилготой юм. 2025 онд энэхүү өдөр 32 дахь удаагаа тэмдэглэгдэж байна.
Монгол Улсад хэвлэлийн эрх чөлөөний байдал сүүлийн жилүүдэд анхаарал татаж байна. 2024 онд сэтгүүлч Н.Өнөрцэцэг авлигын эсрэг эрэн сурвалжлах нийтлэлүүдийнхээ улмаас баривчлагдаж, гэрийн хорионд орсон нь олон улсын анхаарлыг татсан. Тэрээр хараат бус мэдээллийн “Зариг” сайтыг үүсгэн байгуулж, эрх баригчдын эсрэг мэдээлэл түгээж байжээ.
Энэ жилийн гол сэдэв нь хиймэл оюун ухаан (AI) сэтгүүл зүйд хэрхэн нөлөөлж буй талаар юм. AI нь мэдээллийг хурдан боловсруулж, түгээх боломжийг нэмэгдүүлж байгаа ч, хуурамч мэдээ контентын тархалтыг нэмэгдүүлж, сэтгүүл зүйн ёс зүй, үнэн бодит мэдээллийн чанарт сөргөөр нөлөөлж болзошгүйг онцолж байна.
