Дэлхийн бараг бүх улсын бараа бүтээгдэхүүнд импортын татвар оноох шийдвэрээ АНУ-ын ерөнхийлөгч өчигдөр зарлажээ.
Цагаан ордноос зарласан тус жагсаалтад дэлхийн 185 улсын нэр байгаагийн дотор Монгол улс багтсаныг мэдээлсэн билээ.
Монгол улсын хувьд АНУ-ын бараа бүтээгдэхүүнд 10 хувийн импортын татвар оноодог үндэслэлээр 10 хувийн ХАРИУ ТАТВАР-тай болж байна.
Тэгвэл манай улс АНУ руу ямар төрлийн бараа бүтээгдэхүүн гаргадаг талаарх жагсаалтыг танилцуулъя.
2025 оны эхний нэг сарын гадаад худалдааны барааны статистикийг Гаалийн Ерөнхий Газар (ГЕГ)-ын цахим системээс шүүхэд дараах 13 төрлийн барааг худалдан борлуулжээ.
Экспортоор АНУ руу гаргасан барааны жагсаалт:
Бугын ясан эвэр
Мал, амьтны бэлдмэл тэжээл
Ямааны ноолууран пальто, хүрэм
Ямааны ноолууран зүйл 6104-д зааснаас бусад (эм охидын)
Ямааны ноолууран даашинз
Ямааны ноолууран юбка
Ямааны ноолууран эмэгтэй өмд
Сүлжмэл богино ханцуйтай цамц, майк
Ноосон цамц, пуловер, джемпер, жилет болон бусад сүлжмэл гадуур цамц
Ямааны ноолууран сүлжмэл цамц, джемпер
Оёмол пальто, цув, дулаан хүрэм, нөмрөг (эр)
Оёмол пальто, цув, дулаан хүрэм, нөмрөг (эм)
Ямааны ноолууран хөнжил
Дээрх жагсаалтаас харахад голчлон малын гаралтай буюу ноос ноолууран бүтээгдэхүүнийг гаргаж байна.
