Олон нийтийн сүлжээнд LEXUS 600 машины жолооч эмэгтэй замын голд хүүхдийн биед халдаж буй бичлэг цацагдаад байна. Тухайн машины эзэмшигч Ш.Болдбаатараас дараах тодруулгыг авлаа.
-Тухайн машин таны нэр дээр байдаг юм байна. Тухайн машиныг жолоодон явсан эмэгтэй жолооч хүүхэд цохисон бичлэг олон нийтийн анхааралд өртөөд буй?
-“Натур” худалдааны төвийн урд талд болсон явдал. Тухайн машин миний нэр дээр байдаг ч өнөөдөр эхнэр унаж явсан юм. Эхнэрийн нэг нүд гэмтсэн тул сайн хардаггүй. Тэгээд л эсрэг талын урсгалын машинаас болоод гарцаар гарч байгаа хүүхдийг хараагүй юм байна лээ. Уг нь уучлалт гуйсан гэсэн. Гэтэл тухайн хүү чихэвчтэй байсан болоод ч тэр үү сонсохгүйгээр машиныг өшиглөсөн байсан. Тэгээд л манай эхнэр дал руу нь ганц цохисон байна лээ. Бидний эд зүйлд халдсан учир тухайн хүүтэй тохиролцох бодолгүй байна.
Энэ тухай ЦЕГ-аас тодруулахад " Бичлэг дээрх хүнийг олж, тогтоон уг асуудалтай холбоотой гомдол, мэдээллийг бүртгэсэн. Баянзүрх дүүргийн цагдаагийн газраас шалгалтын ажиллагааг явуулж эхэлсэн. Одоогоор тухайн жолооч болон, хүүгээс тодруулга мэдээлэл авч байна" хэмээсэн юм.
