ОХУ-ын Ерөнхийлөгч Владимир Путин 10 мянган ам.доллараас дээш хэмжээний валютыг улсаасаа гаргахыг хориглосон талаар Кремлийн хэвлэлийн алба мэдээлсэн байна. “2022 оны 3-р сарын 2-ны өдрөөс эхлэн ОХУ-аас 10 мянган ам.доллартай тэнцэх хэмжээний мөнгөн тэмдэгт болон (эсвэл) гадаад валют дахь мөнгөн хэрэгслийг ОХУ-аас гаргахыг хориглоно. Экспортын өдөр байгуулагдсан ОХУ-ын Банк” гэж мэдэгдэлд дурджээ.
Үүний өмнө Ерөнхийлөгч Владимир Путин ОХУ-д оршин суугчдыг гадаадын банкны данс руу валют оруулахыг хориглох тухай зарлигт гарын үсэг зурсан. Оршин суугчдын дунд жилд 183-аас доошгүй хоног ОХУ-д амьдарч байгаа хүмүүс болон гадаадад алба хааж буй цэргийн албан хаагчид, томилолтоор ирсэн төрийн албан хаагчид багтаж байгаа юм. Мөн В.Путин хоёр хоногийн өмнө нэгэнт байгуулсан зээлийн гэрээний хүүг хэвээр хадгалахыг даалгасан билээ.
