ҮСГИЙН ХЭМЖЭЭ:
Хэвлэх
2021-2022 оны хичээлийн жил цар тахлын эрсдэлтэй үед эхэлж байна. Боловсролын сайд энэхүү хичээлийн жилийн эхэнд 4-5 настай хүүхдүүдийг эцэг эхийн хүсэлтэд үндэслэн 9 дүгээр сарын 1-ээс танхимын сургалтад хамруулахаа мэдэгдсэн. Танхимын сургалтад хамрагдаагүй хүүхдийг зайн сургалтад хамруулах юм. Шинээр элсэх 4 болон 5 настай хүүхдийн элсэлт энэ сарын 16-25-ны өдрүүдэд болно. Харин 2-3 настай хүүхдүүдийг тодорхойгүй хугацаагаар цэцэрлэгт авахгүй гэж тэрээр мэдэгдсэн юм. Салбарын яамнаас мэдээлснээр, 2 болон 3 настай хүүхдүүдийг халдварын эрсдлийн үнэлгээ хийгдсэний дараа ямар үе шаттайгаар хэрхэн цэцэрлэгт нь хамруулах талаар тухайн үед нь шийдвэр гаргаж ажиллах гэнэ.
