ҮСГИЙН ХЭМЖЭЭ:
Хэвлэх
АШУҮИС-ийн захирал Н.Хүрэлбаатар: Шүлснээс коронавирус илрүүлэх оношлуурыг бүтээхэд БШУЯ-наас 47 сая төгрөгийн санхүүжилтийн дэмжлэг үзүүлж гаргасан. Өнөөдөр бид гэрчилгээгээ авлаа ингээд албан ёсоор нөгөөдрөөс коронавирусийг тодорхойлж эхэлнэ. Бид хэрэглээнд нэвтрүүлж эхлэх бэлтгэл ажлыг шуурхай хийж, оношлуур ашиглаж байгаа эмч мэргэжилтнүүдэд сургалт явуулна.
Оношлуурыг бүтээсэн багийн гишүүн, АШУҮИС-ийн Боловсрол хариуцсан дэд захирал Г.Батбаатар "Одоогоор 4000 нэгж шинжилгээний оношлуурыг бэлэн болгоод байгаа боловч хангалттай нөөцийг бүрдүүлэхийн тулд тоног төхөөрөмж шаардлагатай. Нэг удаагийн шинжилгээний өртөг 31200 төгрөг гэв. Гэхдээ энэ өртөг 7800 төгрөг болж буурах боломжтой. Бусад улс орнуудад шүлснээс халдвар илрүүлж байгаа боловч энэ оношлуур нь улс хүлээн зөвшөөрсөн цомог төрлийн анхны бүтээгдэхүүн юм. Оношлуурын клиникийн туршилтаар мэдрэх чанар нь 100 хувь гэж тогтоосон. Клиникийн туршилтыг 40 хүн дээр хийж баталсан бол Японд 15, АНУ-д 13 өвчтөн дээр туршиж баталсан” гэдгийг онцлон хэллээ.
