Монгол Улсын Ерөнхий сайд У.Хүрэлсүх ОХУ-д албан ёсны айлчлал хийж байгаа билээ.

Тэрбээр өчигдөр ОХУ-ын Засгийн газрын дарга Д.А.Медведевтэй хэлэлцээр хийжээ. Хоёр улсын Засгийн газрын тэргүүний өргөтгөсөн хэлэлцээр гурван цаг орчим хаалттай үргэлжилсэн байна. Үүний дараагаар хэвлэлийнхэнд мэдээлэл өгчээ.

Энэ үеэр Монгол Улсын Ерөнхий сайд У.Хүрэлсүх ОХУ, БНХАУ-ын эдийн засгийн коридорын хөтөлбөрийн хүрээнд Орос, Хятадыг холбосон байгалийн хийн хоолойг Монгол Улсын нутгаар дамжуулах асуудлыг ОХУ дэмжиж байгаад баяртай байна гэдгээ мэдэгдсэн байна.

 

 

 

 

Хэрэв ОХУ-аас БНХАУ-руу Монгол Улсаар дайруулан хийн хоолой татвал Япон, Солонгос зэрэг хэрэглэгч орнуудад эрчим хүч нийлүүлж, үнийг бууруулах боломжтой аж.

Улаан-Үдийн төмөр замыг сэргээн босгох талаар ярилцлаа

ОХУ-ын Засгийн газрын дарга Д.А.Медведев Өнөөдөр бид худалдаа, эдийн засгийн хамтын ажиллагаа, шинэ хөрөнгө оруулалтын төслийн талаар бодитой хэлэлцээ хийлээ. Тэр дундаа Улаан-Үдийн төмөр замыг сэргээн босгох талаар ярилцлаа. Энэхүү төслийг үндэслэн тээврийн шинэ коридор байгуулах, бүс нутгийн түүхий эдийн урсгалыг нэмэгдүүлэх боломжтой-г онцолжээ.

Мөн ОХУ, Монгол Улсын цахилгаан эрчим хүчний салбарт хөрөнгө оруулалтыг дэмжих, олон улсын болон бүс нутгийн цахилгаан эрчим хүчний найдвартай ажиллагааг хангах дэд бүтцийн барилга байгууламж барих судалгаа хийх, шинэчлэх, өргөтгөх, эрчим хүч үйлдвэрлэх, экспортлох, импортлох зэрэг хэлэлцээр байгуулсан байна.