Сэтгүүлчийн мэргэжлийн үйл ажиллагаатай холбогдуулан төрийн байгууллагаас тагнаж, чагнасан гэх асуудалтай холбогдуулан ЦЕГ-аас Хэвлэл мэдээллийн төвийн дарга, цагдаагийн дэд хурандаа Б.Баатархүү мэдээлэл хийлээ.
Тэрээр Сэтгүүлчийг тагнаж чагнасан гэх асуудал өнөөдөр яригдаж байгаа асуудал биш. 2018 онд уг мэдээлэл гарах болсны дараа манайхаас Ийм асуудал байхгүй гэх тайлбарыг өгч байсан. Тухайн үед эрүүгийн цагдаагийн албаны нэр бүхий хоёр албан хаагчийг ТЕГ-аас шалгасан байдаг. Шалгаад уг асуудал гэмт хэргийн бүрэлдэхүүнгүй байна. Өөрөөр хэлбэл сэтгүүлчийг тагнаж, чагнасан асуудал байхгүй байна гээд Нийслэлийн прокурорын газраас хэргийг хэрэгсэхгүй болгосон.
Өнөөдрийн байдлаар сэтгүүлчийг мэргэжлийн үйл ажиллагаатай нь холбон эрүүгийн хэрэг үүсгэн шалгаж байгаа асуудал цагдаагийн байгууллагад байхгүй .Харин зөрчил шалган шийдвэрлэх ажиллагаан дээр сэтгүүлчтэй холбоотой гомдол санал байгаа.
Үнэхээр тагнуулж чагнуулсан хүн байвал гомдлоо гаргах эрх нээлттэй” гэлээ.
