ҮСГИЙН ХЭМЖЭЭ:
Хэвлэх
Apple” компанийн мэдээлснээр, iPhone 5”-ын хэрэглэгчид ирэх 11 дүгээр сарын 3 гэхэд 10.3.4 үйлдлийн системийг гар утсандаа татаагүй тохиолдолд цаг болон огноо зөв байгаа эсэхээс хамааран ажилладаг хавсралтуудыг ашиглах боломжгүй болох ажээ. Тэдгээр хавсралтад App Store”, iCloud” болон цахим шуудан, интернэтэд нэвтэрдэг хавсралтууд багтаж байна.
Хэдийгээр 10.3.4 нь Apple”-ын үйлдлийн системийн хамгийн сүүлийн хувилбар биш боловч iPhone 5” загварын гар утсанд татах боломжтой хамгийн орчин үеийн хувилбар юм. Мөн iPhone” гар утасны өмнөх үеийн загваруудыг хэрэглэгчдийн хувьд байршил тогтоох үйлчилгээнүүдийг үнэн зөвөөр авахыг хүсвэл үйлдлийн системээ шинэчлэхийг зөвлөжээ.
