Японы мэргэжлийн сүмо бөхийн Нагоя башёгийн ес дэх өдрийн барилдаан өчигдөр Токио хотын Рёогокү Кокүгикан ордонд болж өндөрлөлөө.
Цар тахлын улмаас 2500 үзэгчийг л ордонд орохыг зөвшөөрч буй тус башёгийн ес дэх өдөр Хакүхо Шоо Аойяаматай тааран барилдсан бол озэки Асанояама Окинумитай учраа таарав.
Ёкозүна Хакүхо нагоя башёгийн ес дэх өдөр Аойяамаг давж, ес дэх ялалтаа авсан бол Аойяама гурав давж, зургаа унасан үзүүлэлттэйгээр башёг үргэлжлүүлж байна.
Ингэснээр тэрбээр башёгийн ес дэх өдөр Ёкозүна цолтой 999 дэх барилдаанаа хийлээ.
Мөн Асанояама башёг есөн даваатайгаар Хакүхогийн адил башёг тэргүүлж буй.
Түүнчлэн Тэрүнофүжи Г.Ган-Эрдэнэ энэ өдөр Саданумитай тааран барилдаж улмаар өрсөлдөгчөө давснаар найман даваа нэг унаатай боллоо.
Харин Тамаваши Б.Мөнх-Оргил Котошогикүтай тааран барилдсан ч өвдөг шороодож зургаан даваа гурван унаатай болов.
