Диана гүнж Дональд Трамптай 1995 оны 12 дугаар сарын 11-нд Нью-Йорк хотноо болсон буяны оройн зоог дээр танилцжээ. Саятан эр гүнжийг хараад л хөл алдаж байсан гэхээр Трампын шинэ хатагтай болох бүрэн магадлалтай байсан гэсэн үг.
Ингэж танилцсанаасаа хойш хагас жил орчмын дараа Дональд Трамп Диана гүнжийн 35 насны төрсөн өдрөөр баглаа цэцэг илгээж байсан гэдэг.
Хэсэг хугацаны дараа Дональд Дианагийн удирдаж байсан буяны байгууллагад хандив өргөсөн байна. Хандивын хэмжээ нь маш их болохоор гүнж түүнд өөрийн гараар талархлын захидал хүртэл бичиж байсан гэнэ.
Хэдийгээр тухайн үед Трамп Марла Мейплстэй гэрлэсэн, Диана ч хунтайж Чарльзаас салаагүй үе байсан боловч Трамп захидлын хариуд дахиад л Дианад цэцэг илгээсэн байна. Үнэтэй баглаа цэцэгтээ гүнжийг гэр бүлээ цуцлуулах гэж байгаад харамссан тухай тийм ч чин сэтгэлийн биш зурвас дайхаа мартсангүй.
Цааш нь ярихад, Диана гүнжийн Кенсингтоны ордон дахь гэрт нь байн байн үнэтэй цэцгийн баглаа ирдэг болжээ. Хэдийгээр сайхан хэдий ч үнэхээр ядаргаатай. Цэцгийн тоо нь байнга нэмэгдэж, баглаа нь нүсэр болохын хэрээр Диана гүнжийн сэтгэл түгшинэ. Тэрбээр Дональд өөрийг нь дагаад байна гэж айж байлаа. Үнэхээр ч тийм байсан юм. Нэгэн удаа гүнж ноён Трампыг харахаар шар үс нь босох шиг болдог тухай ярьж байсан гэдэг.
Харин Дональд Трамп Дианаг "олзлогдсон сүүлчийн эхнэр”-ээр харж, энэ талаараа ч огт нуудаггүй байжээ.
Гэвч бүх зүйл гэнэт өөрөөр эргэсэн юм. Диана гүнжийг 1997 онд золгүйгээр нас барсны дараа Трамп түүнтэй учир ургуулж чадаагүйдээ маш ихээр харамсдагаа илэрхийлсэн юм.
Диана гүнжийг таалал төгссөнөөс хэдхэн сарын дараа тэрбээр "Наймааны урлаг” номоо гаргасан. Энэ номондоо Дианагийн тухай "Би түүнийг олны өмнө ямар үйлдэл хийж байгааг анзаарахгүй байж чадаагүй юм. Өөрийгөө байгаагаар, дур булаам байдлаараа бүхэл бүтэн өрөөг дүүргэдэг байлаа. Тэр жинхэнэ гүнж, мөрөөдлийн хатагтай байсан юм” гэж бичжээ.
Эх сурвалж: zen.yandex.ru
