Брент төрлийн газрын тос баррель нь 74 ам.доллароор арилжаалагдаж байна
Ойрх Дорнод дахь мөргөлдөөн хурцадсанаар газрын тосны үнэ арилжааны гурван өдөр дараалан өсөөд байна.
WTI төрлийн газрын тосны үнэ өнгөрсөн хоёр өдрийн арилжаагаар гурав гаруй хувиар өсөж, баррель нь 71 ам.доллар хүрсэн бол брент төрлийн газрын тосны үнэ баррель нь 74 ам.доллар болоод байна.
Израил, Ираны мөргөлдөөн хурцдаж байгаа нь Ойрх Дорнодын газрын тосны нийлүүлэлтийн зам болон эрчим хүчний дэд бүтцэд хохирол учруулах эрсдэлийг нэмэгдүүлээд байгаа юм.
Израилын тал газрын тос олборлолтын бүсэд цохилт өгвөл газрын тосны нэг өдрийн нийлүүлэлтээс 1.5 сая баррелийг арчихаар байгааг “Citigroup”-ийн шинжээчид анхаарууллаа.
Мөн OPEC-ийн Өргөтгөсөн бүлэг ирэх 12 дугаар сард гарцаа нэмэх төлөвлөгөөтэй байгаа нь эрэлт нийлүүлэлтийн зөрүү үүсгэхээр байгаа бол АНУ-д түүхий газрын тосны нөөц өнгөрсөн долоо хоногт 3.9 сая баррелиар нэмэгдсэн нь сүүлийн таван сарын дээд түвшинд хүрсэн үзүүлэлт болов.
