ҮСГИЙН ХЭМЖЭЭ:
Хэвлэх
Сүүлийн үед цахим орчинд ор үндэсгүй тараад байсан "цахилгаан, дулааны үнэ тариф энэ оны 10 дугаар сараас эхлэн 2 дахин нэмэгдэх гэж байгаа” талаар ташаа мэдээлэлд ЭХЗХ-ны дарга А.Тлейхан, тус хорооны Үнэ тариф, зах зээлийн газрын дарга Б.Болор-Эрдэнэ нар залруулга мэдээлэл хийлээ. Тодруулбал цаг үеийн нөхцөл байдалтай холбоотойгоор эрчим хүчний салбарын хэмжээнд цахилгаан эрчим хүчний хэрэглээ төлөвлөснөөс 6,7 хувиар буурч, авлага 17 тэрбум төгрөгөөр өссөн үзүүлэлттэй байна. Энэ нь цаашлаад эрчим хүчний салбарын тусгай зөвшөөрөл эзэмшигч төрийн болон хувийн өмчийн үйлдвэр компаниудад санхүү, эдийн засгийн хувьд нилээдгүй хүндрэл учруулаад байна. Гэвч эрчим хүчний салбарын хэмжээнд хэрэглэгчээ дээдэлсэн бодлого хэрэгжүүлэх, эрчим хүчний үнэ тарифыг нэмэхгүйгээр салбарын хэмжээнд дотоод нөөц бололцоогоо ашиглан хэмнэлтийн горимоор ажиллаж, хүндрэлийг даван туулах шийдвэр гаргасан. Эрчим хүчний салбарын алдагдлыг бууруулж, шаардлагатай хөрөнгийн эх үүсвэрийг бүрдүүлэхийн тулд:
• Өндөр үнэтэй импортын цахилгааныг багасгах
• Өндөр өртөгтэй Сэргээгдэх эрчим хүчний эх үүсгүүрүүдийг анх тариф батлах үеийн ачааллаар ажиллуулах
• Хямд үнэтэй эх үүсгүүрүүдийг илүү ачааллах
• Эдийн засгийн нөхцөл байдал хүндэрч байгаатай холбоотойгоор Эрчим хүчний компаниудын тэвчиж болох зарим зардлуудыг бууруулж хэмнэлт гаргаж ажиллахаар шийдвэрлэсэн.
Мөнтүүнчлэн хэрэглэгчдийг цахилгаан эрчим хүчний тасралтгүй, найдвартай байдалд дэмжлэг үзүүлэн хэрэглэсэн цахилгааны төлбөрөө цаг хугацаанд нь төлөхийг уриалсан байна.
Дэлгэрэнгүй мэдээллийг дараах холбоосоор хүлээн авч үзнэ үү. https://gogo.mn/r/kyngv
