Нийслэлийн ундны усны эх үүсвэр Туул голын сав дагуух айл өрхүүд болон газар төлөвлөлтөд ороогүй бүсүүдэд эхний ээлжид 2,000 эко ариун цэврийн байгууламж суурилуулж байгаа. Ингэснээр нүхэн жорлонг халж, хөрсний бохирдлыг бууруулах юм.
Байгаль орчинд ээлтэй уг ариун цэврийн байгууламж нь 3м3 багтаамжтай, цилиндр төмөр бетонон доторлогоотой, 3 метрийн өндөр агааржуулалтын хоолой, байгалийн гэрлийн цонх, нарны зайн хураагуур бүхий гэрэлтүүлэгтэй.
Тухайн өрхийн ам бүлийн тоо, хэрэглээнээс хамаараад эко ариун цэврийн байгууламжийн бохирыг жилдээ 1-2 удаа соруулах бөгөөд хөрсөнд нэвчүүлэхгүй байх технологиор шийдсэн. Эко, суурин ариун цэврийн байгууламжийг дахин төлөвлөлтөд ороогүй, бохирыг соруулахад дэд бүтцийн хувьд боломжтой, усны сав газарт байрлалтай зэрэг хэд хэдэн шалгуур үзүүлэлтээр сонгон суурилуулж байгаа тухай БОАЖЯ-наас мэдээлэв.
