ҮСГИЙН ХЭМЖЭЭ:
Хэвлэх
Өнгөрсөн баасан гарагт Улсын онцгой комисс сургууль, цэцэрлэгийг ирэх гуравдугаар сарын 2-н хүртэл хаах шийдвэр гаргасан. Энэ шийдвэрийг хот хөдөө гэж ялгахгүйгээр өчигдрөөс эхлэн хэрэгжүүлж буй. Мөн хөл хорио тогтоосон хугацаанд багш нарыг цалинг ажилласан цагаар бодож олгохыг шийдвэр гаргагчид мэдэгдсэн юм.
Гэвч сургууль цэцэрлэгийн захирлууд хөл хориог үл тоон багш нарыг ажлын цагаа бүртгүүлж байхыг үүрэг болгосон байна. Сургуулийн удирдлагуудын зүгээс цалин авч байгаа учир ажлын цагаар сургууль дээр байх үүргийг өгсөн байх юм. Засгийн газар, Улсын онцгой комисс хөл хорио тогтоох шийдвэр гаргачихсан. Гэтэл энэ шийдвэрийг үл тоон сургууль дээр багш нарыг хорьж байгаа том толгойтой захирлууддаа ямар хариуцлага тооцох вэ?
О.ОНОН
Olloo.mn
